06/11/09
ALAKRANA
Ofrecemos o noso máis sincero apoio para as familias dos tripulantes secuestrados e tamén para o Goberno central na difícil situación que están afrontando ante as últimas novidades do secuestro do Alakrana.
O máis importante é preservar a integridade da tripualación, botando man de todas as ferramentas posibles e coa máxima unidade. O prioritario é devolvelos aos seus fogares sans e salvos. As reflexións e a avaliación dos acertos e dos erros debe vir despois.
Sen embargo, os populares tamén queremos manifestarlle ao Goberno central a nosa queixa de que a súa promesa de manter ao Goberno galego permanentemente informado non se está a cumprir.
Onte Feijóo falaba coa Vicepresidenta do Goberno, De la Vega, quen lle asegurou que todo ía ben e que a situación era estable e prometeu informarlle de calquera novidade de contado. A Vicepresidenta non volveu poñerse en contacto con Feijóo ata esta mañá, e toda a información da que dispoñía o Goberno galego onte chegoulle por teletipos.
Mentres tanto, o lehendakari Patxi López, quen si está recibindo información directa e constante por parte do Goberno central, amosábase onte visiblemente preocupado e manifestaba públicamente a súa intranquilidade.
Os populares preguntámonos, polo tanto, por qué ao Goberno galego, pola contra, se nos dá unha mensaxe de tranquilidade e non se nos mantén plenamente informados como sucede co lehendakari.
Lembrámoslle a Zapatero que hai oito galegos no Alakrana, dous deles xa ameazados de morte, e queremos repetirlle que os populares galegos estamos á súa enteira disposición para colaborar pero para iso tamén é vital que nos teñan informados.
Ás familias dos tripulantes ofrecémoslles todo o noso apoio e cariño e asegurámoslles que desde faremos todo o que estea na nosa man para axudalos nesta difícil situación.
VIAXE A MIAMI
Ante as complicacións que surxiron co secuestro do Alakrana, o presidente da Xunta de Galicia deu esta mañá unha lección de responsabilidade e decidiu suspender a súa viaxe a Miami para recoller o premio de Español Universal.
Os populares temos que felicitarnos por ter un presidente sensato, que sabe estar á altura das circunstancias e que antepón as súas responsabilidades para cos galegos a calquera tipo de premio.
O presidente do Goberno galego prefire quedarse en Galicia, apoiando incondicionalmente ás familias dos oito galegos secuestrados e seguindo, minuto a minuto, a evolución dos acontecementos.
Sen embargo, tamén lamentamos que o feito de termos un presidente responsable non se trate dunha boa noticia posto que pon punto e final ás críticas que se dedicaron a facerlle a Feijóo con motivo da viaxe oficial a Miami.
CAIXAS
O Goberno galego mantén a súa preferencia por que en Galicia haxa unha ou dúas caixas solventes.
Para a Xunta, o máis importante é que se manteña a galeguidade, a solvencia e a vinculación territorial destas entidades coa fin de contar cun ente financeiro eficiente e potente en Galicia.
O Goberno de Feijóo mantén que informará da postura que considera máis axeitada para Galicia nada máis rematar as conversas coas entidades e co Banco de España, que será antes de que finalice o presente ano.
Segundo Feijóo, hai un compromiso básico que é que Galicia ten que seguir presente no futuro mapa financeiro español. O presidente quere a mesma transparencia e búsqueda do interese xeral co tema das caixas de aforros que houbo co novo Decreto Eólico.
Por outra banda, o Goberno de Galicia non vai entrar en valoracións dos plans das caixas galegas e vai seguir actuando con prudencia e sentido da responsabilidade
Así mesmo, a postura da Xunta trasladaráse aos axentes económicos e sociais cando haxa unha conclusión sobre o asunto, que será antes de que remate o ano.
É importante lembrar que tanto a transparencia como o diálogo están garantidos neste proceso. Do mesmo xeito, tamén está garantido que se manterá a galeguidade das caixas.
