13/12/08
O alcalde, Gabriel Torrente, agradeceu a abstención do PSOE e do COE, que facilitou a aprobación das contas do Concello para o próximo ano
En 2009, o concello de Pontedeume destinará 22 de cada 100 euros de gasto a investimentos reais.
O alcalde de Pontedeume, Gabriel Torrente amosou a súa satisfacción póla aprobación dos orzamentos do concello para o ano 2009, e amosou a súa gratitude tanto hacia o PSOE como co COE, que coa súa abstención permitiron a aprobación do documento econômico para o próximo ano. Segundo explicou o rexedor, os orzamentos do Concello para o ano 2009 ascenden a 8.061.272,19 euros, dos que 1,8 millóns se corresponden a investimentos reais. Torrente explicou que 22 de cada 100 euros que o concello invista se destinarán a investimentos que permitirán mellorar a calidade de vida dos eumeses e das eumesas.
O alcalde lembrou que son uns presupostos realistas que teñen en conta a situación xeral de crise na que nos atopamos, e por isso icluen medidas de austeridade como a conxelación dos salarios dos membros da corporación, así como a conxelación dos gastos de atencións protocolarias.
O rexedor explicou que as contas aprobadas o pasado xoves foron negociadas coa oposición e tres reunións cós voceiros dos grupos e nunha comisión informativa. Neste sentido lamentou a actitude do BNG, que rexeitou partyicipar na negociación das contas do 2009, sen presentar proposta algunha para mellorar o borrador dos orzamentos, ó igual que o independente Sande, que nin tan sequera participou na reunión da Comisión Informativa na que se avaliaron os orzamentos, que nin sequera recolleu o CD no que se contiña o orzamento para o seu estudo antes da celebración do pleno. Para o grupo de goberno a actitude dos nacionalistas e do independente Sande pon de manifesto o seu escaso interese por Pontedeume e os seus problemas. “Estaban decididos a votar que non a calquera presuposto”, afirman dende o goberno local, lamentando a actitude dámbolos dous grupos.
IMPORTANTES INVESTIMENTOS
Dende o goberno local, o concelleiro de Facenda, Eugenio Otero, destaca os importantes investimentos recollidos nos orzamentos do 2009 como a implantación dun Oficina de atención ao cidadán, cunha inversión de 75.109,48€, a consignación dunha importante partida para a rehabilitación Mercado municipal, no que se investirán 572.000,00 euros, ou a segunda fase do saneamiento do casco urbán de Pontedeume, dotada de 440.461,56€.
As contas do 2009 recollen unha partida para a instalación dun grupo de bombeo para augas residuais no polígono de Vidreiro por un importe de 100.079,88€, así como a dotación económica de 84.052,56 euros para a Iluminación da capela de Breamo e do Castelo de Andrade. Outro dos investimentos recollidos nas contas deste ano é o plan para a sinalización de toponimia e información Turística de Pontedeume por un importe de 47.502,32€. Cos orzamentos do 2009, o concello tamén ten previsto a adquisición dunha maquina barredora cun custo de 108.000 €
Segundo explican dende o goberno local, os orzamentos do 2009 recollen importantes actuacións de acondicionamento e pavimentación de camiños en distintas parroquias: Camiño da Igrexa e camiño da Macuca (Centroña) cun orzamento de 36.304,52€; camiño de Camoucelo e camiño de Frade (Boebre) cun custo de 35.739,88€, Camiño de Esteiro e camiño da Pedra (Nogueirosa) por 47.208,65 euros, Camiño de Cermuzo (Vilar) cun ornamento de 42.558,59€ e camiño de Vidrieiro (Andrade) cun importe de 46.014,74€.
Nos orzamentos do 2009 tamén se inclue unha partida de 150.000 euros para a construcción do Clube Náutico de Piragüismo, así como outros fodos para a finalización do PXOM, ou a finalización das obras de reforma da Casa Consistorial, xa iniciadas. Os orzamentos do 2009 contemplan fondos para a renovación e substitución das redes de fecais e pluviais na avenida Ricardo Sanchez, na praza A. Vazquez Penedo, e no muelle, redes que por primeira vez van levar separativas para poder nun futuro cercano, ter un saneamento que sexa un referente en toda a comarca, planificado, sostible ó reducir a depuración da Estación Depuradora (EDAR) e sobretodo respectuoso coa nosa ría ó eliminar os numerosos verquidos que se producen actualmente. Esta obra solucionará ademáis un dos graves problemas de inundacións que todos os anos padecen os veciños da avenida Ricardo Sanchez. Os orzamentos do 2009 tamén incluen fondos para o equipamento, mellora e acondicionamento dos xardíns.
ASUNTOS SOCIAIS, UN AREA PRIORITARIA
Por áreas, Asuntos Sociales é a Concellería que se leva a partida presupostaria máis forte. Segundo explicou o edil de Facenda no transcurso da sesión plenaria, “esto responde, a que se trata dun ámbito con carencias e necesidades continuas que é preciso atender e satisfacer”. Segundo explicou o concelleiro de Facenda, a erradicación da violencia de xénero ou a atención ás persoas dependientes, os maiores e os colectivos menos favorecidos son tamén obxectivos prioritarios que contempla o Presuposto do concello para o próximo ano.
